ترا تقدر ..

لا تكابر

وش بقى من ذكرياتك

غير طفل نسى يكبر ..

نسى يقدر

نسى وش باقي ايامه

و ايامه

رحلة حياة وموت

رحلة غشاها صوت

لا تفعل .. ما تقدر

ما تقدر ترا تقهر !

و صوتك يناديلك ..

وبقايا دمع منديلك

يصيح بداخلك صوتك

ويصحيك من نومك

من موتك

من باقي مشاعر امس

ومن صوتٍ بداه بهمس

ترا تقدر .. ترا تقدر

انا والله ما اقدر

انا في داخلي ميت

والميت يرد يعيش ؟

ورب البيت ما يقدر !

انا اغلاطي كثيره حيل

وانا ما عاد فيني حيل

صديق الليل

اظن الليل يسترني

والقمرا بتفضحني

انا عاشق بداياتي

انا كاره نهاياتي

مع اني بأول القصة

الف طعنة .. الف غصة

وتمر سنين .. تمر ايام

وتتحقق كثير احلام

كثيره صح بس صعبة

خذت روحي مثل لعبة

ولكن اللحين .. انا اقوى

انا اكبر .. انا اقدر ..

انا واقف .. انا اشطر !

حسافة عمري الماضي

راح من يدي ع الفاضي

زمان كنت به شايف

طريقي وانحناءاته

بس خايف !

و اظن خوفي .. نجاحاتي !

ولولا ذعري التافة

ما اظن الناس تسمع لي

انا اللي امس كان خايف ..

وانا الاعمى بس شايف

انا اللي ايقضه حلمه

وصرت اليوم تسمع له

ومن صوتٍ بداه بهمس

ترا تقدر .. ترا تقدر

-محمد الماضي-

Recommend0 هل أعجبك؟نشرت في مشاركات الأعضاء

قد يعجبك أيضاً

جدارية لمحمود درويش

هذا هُوَ اسمُكَ / قالتِ امرأةٌ ، وغابتْ في المَمَرِّ اللولبيِّ… أرى السماءَ هُنَاكَ في مُتَناوَلِ الأَيدي . ويحملُني جناحُ حمامةٍ بيضاءَ صَوْبَ طُفُولَةٍ أَخرى…

تعليقات